Club de Montaña “O Carroucho”

« Voltar

Travesía Costa Naviega (Asturias)

Podes consultar o tríptico da ruta.
Necesitas ter instalado o Adobe Reader®. 		(943 Kb)
¡¡OLLO!! A RUTA FAISE EN DOMINGO. HORARIO DE SAÍDA: 07:00h DE CORUÑA E 07:30h DO BURGO
SITUACIÓN XEOGRÁFICA: Concello de Navia
DATA DA ACTIVIDADE: domingo, 20 de xuño de 2010
PREPARADA POR: Grupo de Montaña “Peña Furada”
PREZO DA ACTIVIDADE: 10€ para os socios e 15€ para os non socios. Inclúe desprazamento en autobús e seguro de transporte
DATA TOPE PARA APUNTARSE: venres, 18 de xuño de 2010, antes das 15 horas
COMO CHEGAR: Colleremos a A-6 dirección Madrid ata Baamonde onde enlazamos coa A-8 ata Vilalba. Continuamos pola N-634 ata enlazar de novo coa A-8 ata Navia onde a abandonamos en dirección Polavieja. Collemos a N-634 ata o punto de inicio.

DATOS TÉCNICOS:

TIPO DE SENDA: Camiños, sendeiros e algo de asfalto
DIFICULTADE: Baixa — Baixa-Media — Media — Media-Alta — Alta
DURACIÓN: 5 horas
DISTANCIA LINEAL: 16 Km.
INTERESE DA RUTA: Paisaxística, cultural e confraternización con outros grupos
RECOMENDACIÓNS: Levar cámara de fotos, roupa lixeira, calzado cómodo e ganas de falar.
BREVE DESCRICIÓN: A ruta iníciase á altura do km. 515,5 da N-634, no cruzamento coa estrada cara a Puerto de Vega (comarcal NV-2), tomando esta comarcal e a 400 m. encontraremos un camiño de terra á dereita onde comeza a ruta propiamente dita. Este camiño levaranos a través dunha paisaxe incomparable, cara á ribeira do río Barayo, seguiremos ata a súa desembocadura, onde se encontra a Praia de Barayo.
Dende alí iremos bordeando a costa, admirando os seus acantilados e calas, para arribar ao “pobo exemplar” de Puerto de Vega. Esta vila merece unha visita detida, pois á súa indubidable beleza se lle engade unha gran riqueza cultural e histórica.
Abandonamos Puerto de Vega poñendo rumbo ao oeste, pasamos pola praia de La Losera, encontramos a Isla de Soirana, atravesamos o pobo do mesmo nome e no km. 12,3 da ruta chegaremos á praia de Frejulfe, catalogada como Monumento Natural e unha das praias máis concorridas do concello. O seguinte tramo sitúanos na parroquia de Andés, unha morea de pequenas e encantadoras praias serán compañeiras no fermoso percorrido que finalizará na praia de Navia ou “Veiga de Arenas”.
OUTROS DATOS: Non é necesario levar comida xa que haberá avituallamentos e nos agasallarán cunha comida.
« Voltar