SITUACIÓN XEOGRÁFICA: | Concello de Cortegada (Ourense), comarca do Ribeiro |
DATA DA ACTIVIDADE: | Sábado, 19 de Outubro de 2013 |
PREPARADA POR: | Nacho e Araceli |
PREZO DA ACTIVIDADE: | 12€ para os socios e 17€ para os non socios. Inclúe desprazamento en autobús e seguro de actividade |
DATA TOPE PARA APUNTARSE: | Xoves, 17 de Outubro de 2013, antes das 15 horas |
COMO CHEGAR: | Pola AP-9 e AP-53, tomando a saída 87 Vigo/Cortegada. |
TIPO DE SENLLA: | Pistas de terra e camiños de río. Pouco asfalto. |
DIFICULTADE: | Baixa — Baixa-Media — Media — Media-Alta — Alta |
DURACIÓN: | 7 horas |
DISTANCIA LINEAL: | 23 Km. |
INTERESE DA RUTA: | Natureza, historia e patrimonio artístico |
RECOMENDACIÓNS: | Bastón, pantalón longo ou polainas polas silveiras. |
BREVE DESCRICIÓN: | A de Cortegada trátase dunha bonita e moi variada ruta circular, algo esixente debido ás súas continuas subas e baixadas (acumulados duns 900 m.). Teremos tramos de ribeira e miradoiros onde deleitarnos coas vistas do encoro, subiremos chanzos de pedra, percorreremos sendeiros a través do bosque, e tamén veremos algúns templos dignos de ser visitados, e dos cales poderiamos aprender moita historia sobre estas terras. A ruta empeza no Balneario de Cortegada, subindo ata o miradoiro do Couto da Pena, dende onde ver encoro e balneario. Iremos bordeando o encoro ata desviarnos para dirixirnos cara a Ponte Trado. Dende alí iremos cara a San Martiño, e tras algún esforzo entre a espesura das silveiras, chegaremos a Refoxos, onde poderemos parar a xantar. Tras repoñer forzas e auga, faremos unha transición por pistas de terra na súa maior parte, algo insulsa pero necesaria para chegar a San Bieito. Despois volvemos meternos en bosque de ribeira, atravesando a curiosa aldea abandonada de A Barca, para rematar volvendo ao Balneario bordeando o encoro. |
OUTROS DATOS: | Pararemos a almorzar e mercar o necesario en Ribadavia. Seguramente abran o bar do Balneario para a cervexa do remate. |