« Voltar

Circular por Camariñas

Ruta Circular Camariñas.pdf (602 Kb)
SITUACIÓN XEOGRÁFICA: Concello de Camariñas
DATA DA ACTIVIDADE: Sábado, 24 de Maio de 2014
PREPARADA POR: Dolores e Carlos
PREZO DA ACTIVIDADE: 12€ para os socios e 17€ para os non socios. Inclúe desprazamento en autobús e seguro de actividade
DATA TOPE PARA APUNTARSE: Xoves, 22 de Maio de 2014, antes das 15 horas
COMO CHEGAR: Desde O Burgo collemos a AC-14 dirección Ledoño onde enlazamos coa A-6 dirección Arteixo onde collemos a AG-55 dirección Carballo. Continuamos pola AC552 e nos arredores de Calo pola AC433 ata Camariñas.

DATOS TÉCNICOS:

TIPO DE SENLLA: Camiños, pista e algo de asfalto
DIFICULTADE: Baixa — Baixa-Media — Media — Media-Alta — Alta
DURACIÓN: 7 horas
DISTANCIA LINEAL: 24,5 Km.
INTERESE DA RUTA: Paisaxística e cultural
RECOMENDACIÓNS: Levar botas e segundo o tempo roupa de abrigo ou bañador
BREVE DESCRICIÓN: Partiremos de Camariñas preto dos restos do Castelo do Soberano e xa desde este primeiro balcón veremos a gran beleza desta ría, seguindo a costa chegaremos á Praia de Lago, nos encontraremos coa Capela da Virxe do Monte. Continuaremos ao longo da costa ata Cabo Vilán. O seguinte tramo de costa que percorreremos nos levará ata o Cemiterio dos Ingleses.
Desde a Punta do Boi iniciaremos o regreso a Camariñas, e farémolo coa subida máis importante do día onde teremos unhas espectaculares vistas da Praia do Trece. O tramo que nos queda é xa todo interior, pero con espectaculares vistas outra vez do Cabo Vilán, do océano e da Ría de Camariñas e Muxía.
OUTROS DATOS: Pararemos a almorzar e mercar o necesario en Camariñas
« Voltar