SITUACIÓN XEOGRÁFICA: | Concellos de Pedrafita e As Nogais |
DATA DA ACTIVIDADE: | Sábado, 13 de Setembro de 2014 |
PREPARADA POR: | David Jove |
PREZO DA ACTIVIDADE: | 12€ para os socios e 17€ para os non socios. Inclúe desprazamento en autobús e seguro de actividade |
DATA TOPE PARA APUNTARSE: | Xoves, 11 de Setembro de 2014, antes das 15 horas |
COMO CHEGAR: | A6 ata Pedrafita, collendo a estrada LU-633 ata Hospital. |
TIPO DE SENLLA: | Pistas de terra e camiños de río. Pouco asfalto. |
DIFICULTADE: | Baixa — Baixa-Media — Media — Media-Alta — Alta |
DURACIÓN: | 8 horas |
DISTANCIA LINEAL: | 18 Km. |
INTERESE DA RUTA: | Natureza e paisaxe por camiños sen marcar nunca percorridos, salvo o treito do Castelo de Doncos. |
RECOMENDACIÓNS: | Botas de cana alta, bastón, pantalón longo, pequena toalla para secar os pés despois de pasar dous fáciles vadeos do río Navia. O que poida, tamén chanclas con correa para pasar mellor o río. Calzado e roupa seca para cambiarse ao remate. |
BREVE DESCRICIÓN: | Saímos de Hospital e seguimos en baixada bordeando Chao de Coto, e As Teixoeiras, para chegar a Busnullán, onde visitaremos unha das fontes do río Navia. Seguimos tomando dirección este para continuar por bos camiños a media aba, que nos levarán polas aldeas de Modreiro e A Mata, Loureiro e Os Foxos, onde faremos un descanso. O lugar de xantar decidirémolo según vaiamos de tempo. Seguiremos ata Silvela, xa en pronunciado descenso, e con vistas ao río Navia, a N-VI e a autoestrada do Noroeste. Continuaremos descendendo por unha pista de cemento, que nos leva á ponte do río Navia, á altura do Rego Valiña. Aquí principiaremos un pechado treito de fraga a carón do río, por unha canle seca ata a aldea de San Clodio. Seguiremos por un camiño que nos levará á zona de prados, onde teremos que facer dous fáciles vadeos do río Navia, para sortear as zonas de maleza máis pechadas, pasando por prados algo encharcados e varios camiños convertidos en canles. Deste xeito chegaremos ata o Castelo de San Agustín, o vello Castelo de Doncos, se andamos mal de tempo, verémolo de lonxe ao remate da suba final que chega ata Doncos na N-VI xunto ao bar Casa Román, onde nos recollerá o bus. |
OUTROS DATOS: | Pararemos a almorzar e mercar o necesario en Pedrafita do Cebreiro |