SITUACIÓN XEOGRÁFICA: | Mondariz (Pontevedra) |
DATA DA ACTIVIDADE: | Sábado, 13 de Xuño de 2015 |
PREPARADA POR: | David Jove |
PREZO DA ACTIVIDADE: | 12€ para os socios, 17€ para os non socios federados e 20€ para os non socios non federados. Inclúe desprazamento en autobús e seguro de actividade |
DATA TOPE PARA APUNTARSE: | Xoves, 11 de Xuño de 2015, antes das 15 horas |
COMO CHEGAR: | Desde O Burgo collemos a AP-9 ata Porriño - Ponteareas - Mondariz |
TIPO DE SENLLA: | Case toda senda de río |
DIFICULTADE: | Baixa — Baixa-Media — Media — Media-Alta — Alta |
DURACIÓN: | 6 horas |
DISTANCIA LINEAL: | 14 Km. |
INTERESE DA RUTA: | Paisaxe e arquitectura |
RECOMENDACIÓNS: | Auga e bastóns para os pasos de río |
BREVE DESCRICIÓN: | Primeiro, dirixirémonos ao castelo de Sobroso, onde faremos unha curta visita guiada que custa 1€ por persoa. Sobre as 12, remataremos a visita para dirixirnos ata a aldea de Lourido onde comezará a camiñata. Nada máis baixar ata o río Tea, teremos que cruzar polos “Pasos de Lourido”, que hai que pasar con coidado. Será o primeiro dos tres similares que tamén pasaremos. A ruta seguirá ata chegar ata a tubaxe dunha pequena central hidroeléctrica. Logo a ruta empatará cunha fermosa levada ou canle de rego tradicional. Así chegaremos á aldea das Pereiras para volver a baixar ao río Tea e voltar a cruzalo polos “Pasos de Casteláns”. A ruta continuará polas aldeas de Pío e Costa, e chegaremos á Ponte da Costa, onde xantaremos. Pola tarde chegaremos aos “Pasos de Tatín”, cruzarémolos para seguir sempre a carón do río, en suave baixada. Máis tarde pasaremos á altura da ponte romana de Cerdanela. Seguiremos a ruta ata chegar á ponte plana de A Poeira, que nos servirá para cruzar o río outra vez. Á altura das Amolares, cruzamos o río por unha ponte metálica moderna para chegar a Mondariz-Balneario pola ponte do Cruxón. Para os que queiran, faremos unha rápida e completa visita aos dous mananciais e os lugares máis importantes da vila. |
OUTROS DATOS: | Pararemos a almorzar e mercar o necesario na área de descanso de San Simón |