SITUACIÓN XEOGRÁFICA: | Vilalba - Lugo |
DATA DA ACTIVIDADE: | Sábado, 7 de Setembro de 2013 |
PREPARADA POR: | Charlie |
PREZO DA ACTIVIDADE: | 12€ para os socios e 17€ para os non socios. Inclúe desprazamento en autobús e seguro de actividade |
DATA TOPE PARA APUNTARSE: | Xoves, 5 de Setembro de 2013, antes das 15 horas |
COMO CHEGAR: | Desde O Burgo collemos a AP-9 dirección Lugo e incorporámonos á A-6 ata a saída 522 onde collemos a A-8 dirección Oviedo. Tomamos a saída 575 pola C.P.-6513 ata Vilalba. |
TIPO DE SENLLA: | Camiños de terra, paseo fluvial e un chisco de asfalto |
DIFICULTADE: | Baixa — Baixa-Media — Media — Media-Alta — Alta |
DURACIÓN: | 5 horas |
DISTANCIA LINEAL: | 14 Km. |
INTERESE DA RUTA: | Paisaxística, aprender a desenvolverse na escuridade |
RECOMENDACIÓNS: | Imprescindible frontal ou lanterna, algo de abrigo por se refresca, roupa e calzado cómodo |
BREVE DESCRICIÓN: | Volvemos do verán cunha ruta distinta. Trataremos de divertirnos facendo algo totalmente diferente ao habitual, camiñar baixo as estrelas, ao tempo que aproveitaremos para aprender a desenvolvernos nunhas condicións que non son as habituais pero que poderiamos encontrarnos se unha saída á montaña remata durando máis do previsto. Dadas as especiais condicións, e que o verán deixa secuelas, para esta ocasión eliximos unha ruta moi sinxela, sen apenas desnivel, apta para todo o mundo, con camiños anchos e cómodos, un precioso paseo fluvial e zonas boscosas. Acolleranos a fermosa vila lucense de Vilalba, na que realizaremos unha ruta circular por todo o seu contorno, percorrendo os arredores desta, pero sen entrar nunca nela. Por iso, se alguén necesitase abandonar a ruta, nunca estaremos a máis de 1 km dun punto apropiado para iso. Aproveitando que neses días se celebran na vila as súas festas patronais de San Ramón e Santa María, antes da ruta teremos a oportunidade de gozar do ambiente festivo paseando polas súas rúas, e mesmo cear ou tapear, para coller forzas. Os máis animosos mesmo poderán botar algún baile. Unha vez rematada a aventura nocturna poderemos repoñer forzas almorzando antes de emprender a viaxe de volta. |
OUTROS DATOS: | Pararemos a cear e mercar o necesario en Vilalba |