Club de Montaña “O Carroucho”

Podedes consultar todo o referente á tradicional Churrascada, que celebramos todos os veráns antes da paréntese de actividades ata setembro para que poidades gozar dunhas merecidas vacacións.
Podedes empezar a apuntarvos a partir deste momento.

Xa tedes dispoñible toda a información referente á última ruta que faremos antes do parón do verán. Nesta ocasión percorreremos a Costa Naviega, unha xuntanza de sendeiristas organizada polo Grupo de Montaña “Peña Furada”.
Prestade atención porque tanto o día como o horario non son os habituais.

Está dispoñible o tríptico da próxima ruta polo Castelo de Pambre dos nosos compañeiros Angel e Chichola.

Os nosos compañeiros Angel e Chichola teñen preparada unha tranquila ruta que nesta ocasión percorre os arredores do Castelo de Pambre, no concello de Palas de Rei.

Está dispoñible o tríptico da próxima ruta pola vila de Allariz do noso compañeiro Alex.

Xa temos lista toda a información da saída longa que faremos na ponte de maio e que aproveitaremos para visitar os Picos de Europa.

Faremos algunhas das rutas máis interesantes, atractivas e espectaculares da zona, aptas para todos, para tratar de irnos cunha visión o máis completa posible dunha das partes máis fermosas do norte de España.

O noso compañeiro Alex preparounos unha das fermosas rutas ás que nos ten afeitos, que nesta ocasión percorre os arredores de Allariz.

Nesta ocasión, ademáis, terá un remate especial, xa que nos achegaremos a darnos un baño nunhas termas públicas e gratuítas de Ourense.

Hai un grupo de persoas, habituais das actividades deste club, que buscando novas experiencias, se fará unha excursión aos Alpes franceses o vindeiro mes de xullo, concretamente dende o día 2 ao 11.

Esta excursión organízase de xeito totalmente particular e non ten ningunha vinculación con este club polo que está aberta á participación de todo o que o desexe, tanto se é socio do club como se non ten ningunha relación co mesmo.

Aqueles que poidan estar interesados en participar nesta experiencia e desexen máis información sobre a mesma, poden poñerse en contacto con Javier ou con Charlie.

Se alguén non sabe como contactar con eles pode chamar ao teléfono do club ou enviar un correo á dirección do club e vos daremos os seus datos de contacto.

Pola necesidade de suspender a ruta de Castelo de Moeche do sábado pasado, establécese como nova data para esta ruta o día 6 de Marzo.

Aquelas persoas que estaban apuntadas para esta ruta deben confirmar a súa asistencia por correo electrónico ou por teléfono para conservar a súa praza na mesma.

Dado que quedaban prazas libres e pode darse algunha baixa, aquelas persoas interesadas, e que non estaban apuntadas, poden facelo aínda.

Ante a alarma social creada polos continuos avisos de que se aproxima un temporal cualificado como de “risco máximo”, moi ao noso pesar tomamos a decisión de cancelar a ruta programada para este sábado como medida preventiva.

Está dispoñible o tríptico da próxima ruta polo Castelo de Moeche dos nosos compañeiros Asun, Luis e Javier.

Xa temos lista toda a información da primeira saída longa do ano que faremos pola Ribeira Sacra.

Procurade non facer os ingresos na derradeira semana deste mes xa que a conta podería estar bloqueada por mor da ruta de Moeche.

Logo das calorías do lacón, os chourizos e demáis manxares do Entroido, poderemos axudar a rebaixar os seus efectos coa fermosa ruta polos arredores do Castelo de Moeche que nos teñen preparada os nosos compañeiros Asun, Luis e Javier.

Chegounos a copia da renovación da póliza do seguro de accidentes que ten suscrito a Federación para o ano 2010. Mantéñense as mesmas condicións que ata o de agora.

Tamén se fixou o prezo da primeira saída longa do ano. En breve teremos toda a información dispoñible.

Xa tedes toda a información referente á tradicional cea de Carnaval para empezar a festexar o ano cos compañeiros. Aínda que non é obrigatorio, prégase asistir disfrazado (con algo distinto ao resto do ano).

Agardamos veros alí e xa podedes comezar a apuntarvos.

Seguimos a traballar en mellorar a web e froito dese traballo incorporamos pequenas modificacións nalgúns aspectos e algún contido novo (algunha grazas ás vosas suxestións que agardamos seguir recibindo), como a composición da Xunta Directiva (“Sobre nós”).

Como novidade máis salientable agora temos a posibilidade de facer enquisas (veralas na columna dereita desta mesma páxina) e, como non, a primeira enquisa é para coñecer a vosa opinión sobre esta web. A través dun novo menú (Varios->Enquisas) poderedes seguir os resultados das mesmas.

Está dispoñible o tríptico da próxima ruta polas Fragas de Ribeira e Lostegal dos nosos compañeiros Edu, Rakel, Blas e Antonio.

Hai que empezar a perder esas calorías de máis que fomos acumulando nestas festas. E qué mellor forma de facelo que cunha fermosa ruta polas Fragas de Ribeira e Lostegal que nos prepararon os nosos compañeiros Edu, Rakel, Blas e Antonio.

Chegaron os Reis Magos (ou Majos) e este ano como parece que nos portamos ben e xa nos estamos a facer case adultos (10 aniños) decidiron deixarnos un regalo diferente.

Así que despois de moitas horas de traballo, as mellores intencións e moito cariño, aquí tedes o froito dese cóctel. De momento só deu tempo a trasladar os contidos que xa tiñamos (aínda que un pouco retocados) e a información do ano 2010.

A medida que vaiamos tendo tempo iremos traspasando ao novo formato toda a información histórica que podiades consultar anteriormente.

Agora que puxemos as bases desta nova web seranos máis sinxelo engadir novas funcionalidades á mesma, na medida en que as nosas posibilidades nolo permitan. Para iso agardamos as vosas suxestións sobre que cousas vos gustaría ter dispoñibles ou considerades que poden ser máis útiles.

Agardamos que sexa do voso agrado.